استكشاف المدينة-جادة قباء

انا صارلي تقريبا ١٢ سنه ساكنه في المدينه و لحد الان في أماكن كثيره اجهلها، لكن من سنتين قررت اني ابداء استكشف أماكن جديده متى ما سمحت لي الظروف. من الأشياء الي سويتها لما ابتعدت من هنا اني رحت لجادة قباء

تراث اهل المدينه — تراث المدينة المنورة

رحنا محل شاهي االديكور احس يعطي طابع و ثقافة المغرب العربي و حتى الشاهي و كاسات التقديم. ممكن هذا الديكور القديم لاهل المدينه الله اعلم ما اعرف هههه .بس عجبني ان فيه اطلاله بس للأسف وقتها كانوا مسوين صيانه و ما قدرنا نجلس في الطابق الثاني ، لكن حتى في الدور الأول الاطلاله جميله ما شاء الله و تقدرون تشوفون الناس و هي رايحه و جايه.

تراث المدينة المنورة — منازل جميلة

بعدها طلعنا نستنى سياره عشان تودينا لبداية الشارع و ماتوفقنا لوقت طويل حبيت استغل الفرصه و اصور شوي انا مو محترفه بالتصوير بس أحيانا فيه أشياء تجذبني و يكون شكلها ملفت و جميل أحب اصورها عشان تكون ذكره لي، من الأشياء الي اجذبتني البيوت احس شكلها تراثي و بنفس الوقت يعكس ثقافة البلد. في بعضها مهجور و البعض ما هو واضح إذا في سكان او لا بس شكلها مع الممشى و الأجواء حسيت كاني في قريه تراثيه جميله

اذكر اننا كنا نسافر بنهاية شهر رمضان عشان نروح المولات و الاسواق ، كنا نسافر من بعد صلاة المغرب، و نوصل هنا على العشاء و نكون عارفين أي سوق بنروح عشان ما نضيع وقت. كنا نقضي للعيدين مره وحده عشان ما نروح و نرجع كثير، بعد ما نخلص نرجع ديرتنا على قريب الفجر و نجلس نقيس الملابس و من هنا تطلع الكوارث. بسبب الاستعجال و الزحمه يا اما نأخذ لبس ضيق، او لبس ناقصه قطعه، او حتى ما نحصل لبس غير نلف على أكثر من مول و بعد ما نحصل شيء و ندبر انفسنا باي شيء حتى لو ما هو ذوقنا. و احيانا نضطر نسافر اليوم الثاني عشان نرجع و نبدل بعض الملابس و أحيانا نرجع اليوم الثالث اذا مره ما توفقنا بشيء، الغلط مننا لان نروح وقت متأخر فا اكيد اهل البلد و المحافظات و القرى المجاوره خلصوا البضاعه . قلت سبحان الله كيف الدنيا تغيرت و صرنا نطلب الملابس اون لاين باي مكان، و كيف المكان الي كنت اجيه لساعات سريعة صرت ساكنه فيه مع ان عمري ما توقعت ابدا اسكن فيه و هذي قصه ثانيه ما ادري هل بيوم من الأيام رح أشارك قصتي مع المدينه او لا

و لما نزلنا ولا تمر سياره جنبنا و فيها شباب في بداية العشرين حوالي ١٢ شخص. في واحد فيهم يغني و يصور و هم يردون وراه . ما شاء الله عجبني جوهم ما كانوا همجيين او قاصدين يؤذون احد واضح انهم مستمتعين بطلعتهم مع بعض و قاعدين يبسطون انفسهم أعطوا جو في المكان لدقايق

محلات للهدايا

بعدها قررنا نمشي ونشوف المحلات لاحظت ان نظام محلات الهدايا هذه موجوده بس هنا و مكه ، و الشيء الحلو ان مثلا تكون جاي زياره و تبغى تأخذ هدايا لاحد من هنا تقدر تشتري مثلا سجادة صلاة او كوب او ميدالية و تكتب اسمه عليها فكره حلوه

محل هدايا — استرجاع الذكريات

هذا محل من المحلات الموجوده الي شامله كل شيء هدايا ، تجميل، شنط، اكسسوارات و العاب للأطفال

دمية سالي — دمية احلامي

جات عيني على هذي العروسه مثل مانقول بالعاميه زمان لما كنت صغيره كانت امنيتي يكون عندي لعبه كذا يكون معها ملابسها وتكون كبيره بالحجم لانها تذكرني بلعبة سالي لان لعبتها كانت جميله و لبسها مرتب و انيق

لعب زمان — العاب زمان

و شفت هذي اللعبه مين يذكرها اذكر لما كنا صغار واحد من قرايبنا جاء عندنا و معاه هذي اللعبه. طبعا بحكم اننا من محافظه صغيره هذي من الأشياء الي ماهي متوفره عندنا ذاك الوقت. المهم كان يلعبها بحرافه ماشاء الله و حنا كنا منذهلين منه ههههه حاولت العبها بس كنت اخسر دائما

اجواء روحانيه — ريحة رمضان

بعدها جلسنا نمشي و الأجواء ذكرتني برمضان زمان، مع الفوانيس المحطوطه و الاضواء. أحس هنا عالم ثاني يعني الي يبغى يغير جو و يذكر الماضي بنفس الوقت يجي هنا سبحان الله قد ايش انبسطت و استرجعت ذكريات كنت ناسيتها

ايس كريم المانجو

بعدها قررنا نرجع للمكان الي يجنا منه و لما وصلنا شفت سيارة آيس كريم و با صدفه طلع عندهم آيس كريم بالمانجا. انا شخص اعشق فاكهة المانجا كيف ما كانت اكل شرب منتجات بشره أحب طعمها و ريحتها أحس بسعاده بس لما اشم ريحتها. و صارلي أسبوع نفسي بايس كريم مانجا رحت للسوبر ماركت القريب منا ماكان فيه و مالي نفس اشوف النت و اسوي لي في البيت

نخل وتمر المدينه — نخله في بيتنا

اختم جولتي للجاده اني اجلس اتأمل هذا المكان الجميل سبحان الله ريحت النخل مميزه هواء بارد و نقي سبحان الله غصب عنك تحسي بانجذاب انك تطالعي فيها و تقربي منها. كنت أتمنى لو أقدر اجلس عندها بس المكان مقفل يا للأسف

بس منظرهم مره جميل و لا اصواتهم لما تتحرك مع الهواء يذكرني بزمان لما كان أبوي الله يرحمه زارع وحده في حوش بيتنا كانت كل سنه تطول و تكبر و كان لما يجي موسم استواء التمر كنا و حنا صغار نطلع لفوق و نقطفه و نجلس نتحلا فيه و نسوي فيه فعاليات. و أحيانا لما نصحى من النوم نلاقيه طايح في الأرض. النخله صارت تكبر بشكل مخيف و صار لما يجي هواء شديد او مطر كانت تميل وقتها خفنا انها تميل على البيت أكثر و تهدمه لإنها كانت مزروعه في وسط الحوش. بعدها اهلي قررو انهم يتخلصون منها وقتها حزنت صراحه لان لي معاها ذكريات كثيره في قلبي، كنت اسقيها و اجلس عندها لما أكون طفشانه ، حتى اجلس وقت الظهر في الشمس ما عندي مشكله لأنها كانت تظلني. و كنت أسوي مدينه من الطين حوليها و اجيب العابي و العب هناك، اذكر مره سويت مسبح صغير من الطين عندها عشان اللعبه حقتي تتسبح ههههه. قد ايش أيام زمان كنا بسيطين و اي شيء يدخل الفرح على قلوبنا

مقالات ذات صله